"Адал Азамат"
СЫНЫП САҒАТЫ «БІЛІМ БЕРУ – МЕМЛЕКЕТТІК САЯСАТТЫҢ НЕГІЗГІ ҚҰНДЫЛЫҒЫ»
11-сынып оқушылары арасында «Білім беру – мемлекеттік саясаттың негізгі құндылығы: жаңа Конституцияда айқындалған басымдықтар» тақырыбында сынып сағаты өтті. Іс-шара жоғары сынып оқушыларының қазіргі қоғамдағы білімнің маңыздылығын және елдің дамуына әрбір азаматтың рөлін түсінуін қалыптастыруға бағытталды. Сынып сағатының мақсаты – оқушыларға Қазақстан Республикасының жаңа Конституциясының мазмұнын түсіндіру, олардың құқықтық сауаттылығын арттыру және азаматтық жауапкершілігін қалыптастыру болды. Сабақ барысында оқушылар Конституцияның негізгі ережелерімен танысып, азаматтардың құқықтары мен міндеттерінің маңызын талқылады, сондай-ақ білім берудің мемлекеттік саясаттағы басты басымдықтардың бірі ретіндегі рөлін қарастырды.
2026 жылғы 7 сәуірде мектебімізде Дүниежүзілік денсаулық күніне орай «Салауатты өмір салты – табысты болашақтың негізі» тақырыбында республикалық Бірыңғай сабақтар өткізілді. Іс-шараның мақсаты – білім алушылар арасында салауатты өмір салты мәдениетін қалыптастыру, өздерінің физикалық және психикалық денсаулығына жауапкершілікпен қарауды дамыту, сондай-ақ оны сақтау мен нығайтудың маңыздылығы туралы хабардарлық деңгейін арттыру.
ЖЕТІСТІК ҚОРЖЫНЫНДА ТӨРТ ГРАН-ПРИ!
8 «А» сынып оқушысы Макаренко София «Зарянка» балалар би театрының құрамында жоғары нәтижелерге қол жеткізіп, бірден 4 Гран-при иегері атанды. Бұл жетістік – үлкен еңбектің, шығармашылық шабыттың және ұжым мүшелерінің үйлесімді командалық жұмысының нәтижесі. Жас бишілердің жарқын өнері, артистизмі мен шеберлігі қазылар алқасы тарапынан жоғары бағаланды.
