Жаңалықтар

Ағымдағы жылдың 28 ақпанында Қостанай облысы әкімдігі білім басқармасының «Қостанай қаласы білім бөлімінің №7 жалпы білім беретін мектебі» КММ базасында «Басқарушылық жаппай оқу: кәсіби бағдар беру жұмысын ұйымдастыру ерекшеліктері, педагог-кәсіби бағдар берушінің қызметі» атты кәсіби бағдар берушілердің қалалық семинары өткізілді.
       Семинардың мақсаты – мектеп оқушыларымен кәсіби бағдар беру жұмысының сапасын арттыру, өзекті трендтерді талқылау және осы салада пайда болған мәселелерді шешу. Семинарға қатысушылар кәсіби бағдар берушінің заманауи құзыреттері, оның жұмысындағы қажетті дағдылар, өзекті және тиімді құралдар және т.б. туралы көбірек біле алды.
       Семинарға Қостанай қаласы мектептерінің кәсіби бағдар беру жұмысына жауапты мұғалімдері, «Қостанай қаласы әкімдігінің білім бөлімі» ММ өкілі Максутбекова Г.С. және Қостанай қаласының НЗМ оқытушысы Калакова Л.К. шақырылды.
       Қостанай қаласының НЗМ кәсіби бағдар беру жұмысы жөніндегі кеңесшісі Калакова Л.К. семинарға спикер ретінде қатысып, кәсіби бағдар беруші мамандығына мазмұнды экскурс жасады.
       №7 ЖББМ директорының ғылыми-әдістемелік жұмыс жөніндегі орынбасары Исмагилова М.А. кәсіби бағдар берушінің құзыреттері мен дағдылары туралы айтып берді, сонымен қатар мұғалімдермен «Кәсіби бағдар берушінің он құзыреті» атты диагностикалық тест өткізді.
       Семинарға қатысушылар үшін «Болашаққа жолдама: заманауи мектептегі кәсіби бағдар беру жүйесі», «Болашаққа жолдама: сынып жетекшінің кәсіби бағдар беру жүйесі» секциялары жұмыс істеді. Директордың ТІ жөніндегі орынбасары Атоварова Ю.А. мен көркем еңбек пәні мұғалімі Патрахина Л.Н. осы секциялар бойынша шеберлік-сыныптарын көрсетті. 
       Іс-шара соңында педагог-психолог Актанова А.Б. кәсіби бағдар берушінің жұмысына қажетті мектеп оқушыларымен жұмыс істеу жөнінде ұсынымдар берді.
       Қатысушылар іс-шара форматы қызықты және мазмұнды болғанын  атап өтті.

Посмотреть все фото по ссылке <<<