Ғылыми-әдістемелік жұмыс

Бүгін мектебімізде қазақтың көрнекті ағартушысы, ғалымы және қоғам қайраткері Ахмет Байтұрсынұлының туған күніне орай «Тілім менің ғасырларға аманат» атты әдеби-танымдық сағат өтті.

Іс-шара барысында оқушылар Ахмет Байтұрсынұлының өмірбаянымен, өмір жолымен және ағартушылық қызметімен танысып, оның қазақ тілін, әдебиеті мен білім беру саласын дамытуға қосқан елеулі үлесі туралы мағлұмат алды.

Мектептің холында ұлы ағартушының өмірі мен шығармашылығына арналған тақырыптық көрме ұйымдастырылды. Көрмені тамашалаған оқушылар Қазақстанның мәдени және тарихи мұрасы туралы білімдерін толықтырып, ұлттық рухани құндылықтардың маңызын тереңірек түсінді.