Ғылыми-әдістемелік жұмыс

Құрметті болашақ бірінші сынып оқушыларының ата-аналары мен заңды өкілдері!

2026 жылғы 18 маусым мен 31 тамыз аралығында Қазақстан Республикасы білім беру ұйымдарына қабылдаудың үлгілік қағидаларына сәйкес 1-сыныпқа қабылдау үшін өтініштер қабылданады.

Өтінішті электрондық форматта eGov.kz электрондық үкімет порталы және oqu.edu.kz ақпараттық жүйесі арқылы беруге болады.

Қазақстан Республикасы азаматтары үшін қажетті құжаттар тізімі:

* ата-анасының (заңды өкілдерінің) өтініші;
* № 065/у нысанындағы денсаулық жағдайы туралы анықтама;
* № 052-2/у нысанындағы баланың денсаулық паспорты;
* баланың 3×4 см көлеміндегі фотосуреті (2 дана).

Егер балаға оқыту барысында ерекше жағдайлар қажет болса, ПМПК қорытындысын ұсыну қажет.

Құжаттарды қабылдау «3:1» қағидаты бойынша жүзеге асырылады: алдымен мектептің қызмет көрсету аумағында тұратын үш үміткер, содан кейін басқа аумақтан бір үміткер қабылданады.

Өтініштер дүйсенбіден жұмаға дейін сағат 09:00-ден 18:00-ге дейін, демалыс және мереке күндерін қоспағанда қабылданады.

Болашақ бірінші сынып оқушыларына мектеп өміріндегі алғашқы қадамдарының сәтті болуын тілейміз!