Тәрбие жұмысы

Қостанай қаласындағы №7 жалпы білім беретін мектебінің Мектеп Парламенті Президенті Романенко Маргарита «Үздік өзін-өзі басқару көшбасшысы» республикалық байқауының облыстық кезеңінде жүлделі 3-ОРЫН иегері атанғанын ерекше мақтанышпен хабарлаймыз! Бұл маңызды жетістік – ұзақ жылғы еңбектің, жауапкершіліктің, мықты мінез бен шынайы көшбасшылық рухтың нәтижесі! Маргарита өзінің авторлық «Көшбасшылар мектебі» жобасын жоғары деңгейде қорғап, қазылар алқасының барлық сұрақтарына сенімді жауап беріп, үздік дайындық деңгейін көрсетті.

Алда – жаңа маңызды кезең! Маргарита Павлодар қаласында өтетін Республикалық көшбасшылар интенсивіне жолдама алып, басқа да жеңімпаздармен бірге облысымыздың намысын республикалық деңгейде қорғайды! Маргаритаға шабыт, өз күшіне сенімділік және жарқын жеңістер тілейміз! Табанды еңбек пен жетістікке ұмтылыс жаңа белестер мен одан да биік жетістіктерге жетелей берсін!