Кәсіби бағдар жұмысы

Мектеп түлектерінің мемлекеттік секторда жұмыс істеу мүмкіндіктері туралы түсінігін кеңейту мақсатында мемлекеттік қызмет тақырыбында кәсіби бағдар беру кездесуі өткізілді.

Мемлекеттік орган өкілдері оқушыларға мемлекеттік қызметтің құрылымы, қызмет бағыттары, жұмысқа орналасу тәртібі мен мансаптық өсу мүмкіндіктері туралы айтып берді. Кездесу барысында адалдық, жауапкершілік, әділдік және халыққа қызмет ету сияқты мемлекеттік қызметшінің негізгі қағидаттарына ерекше назар аударылды.

Оқушыларға мемлекеттік басқару саласында қандай мамандықтардың сұранысқа ие екені, қандай пәндерге мән беру керек екені және мамандандырылған жоғары оқу орындарына қалай түсуге болатыны түсіндірілді.

Бұл кездесу оқушылардың болашақ мамандық туралы ойлануына және жаңа бағыттарды тануына мүмкіндік берді.