Құқықтық тәрбие

«Заң мен тәртіп» айлығы аясында 11-сынып оқушылары арасында спорттық эстафета ұйымдастырылды. Жарысқа екі сынып қатысып, олар ұйымшылдықтарын, күш-жігерін, ептілігін және жеңіске деген ұмтылыстарын көрсетті.

Спорттық іс-шара салауатты бәсекелестік пен өзара қолдау атмосферасында өтті. Эстафетаның мақсаты — салауатты өмір салтын насихаттау, жоғары сынып оқушыларының өз денсаулығына жауапкершілікпен қарауын қалыптастыру, сондай-ақ командалық рух пен тәртіпті нығайту болды.